<?xml version="1.0" encoding="UTF-8"?><song><aka>Christ's address to unbelievers</aka>
<author>Pliney Fisk</author>
<hymn_number>39</hymn_number>
<title>Yakni paknaka ilʋppa ƲIT39</title>
<lyrics>[V1]
 Yakni paknaka ilʋppa
 Anta li ta̱kla hosh,
 Ʋm ʋlhtaiyaha hatukmʋt,
 An Chisʋs fehna ka.

[V2]
 I̱ sa hofahya he keyu:
 An Chisʋs fehna kʋt
 Tikba a̱ hiket aya kʋt,
 Yah ʋm ahanchishke.

[V3]
 &quot;Ik chi nukwiyo pullashke;
 Ʋm ʋlla chia ma!
 Aiokcha̱ya sia hoke.
 Is sʋthaiyanashke.

[V4]
 &quot;Chi ʋlhtobʋt, issikkopʋt
 Sʋlli hatok oke
 Is siakaiya pullashke;
 Ʋm ʋlla chia ma!

[V5]
 &quot;Chi chu̱kʋsh a̱ mominchi hosh
 Is sʋma pulla cha,
 Nan isht akanomi ʋno
 Hʋsh i̱ filʋmmashke.

[V6]
 &quot;Nan isht akanomi ʋto
 Achukma keyu ka,
 Hʋsh i̱ filʋmmi pullashke;
 Ʋm ʋlla chia ma!

[V7]
 &quot;Sʋbbak a̱ chihi̱ma li ka
 Ish pisa pullashke;
 Ik chi yimmo ke tuk okmʋt,
 Chi yimmi pullashke.

[V8]
 &quot;Ik peso kia yimmikmʋt
 Holitopa hoke;
 Chim ahanchi li fehna ka
 Chi yimmi pullashke.&quot;</lyrics>
<time_sig>C.M. (8.6.8.6.)</time_sig>
</song>